Coordinat Group MMC və Credence Group tərəfindən təşkil olunan və Azərbaycanda ilk dəfə keçiriləcək Construction Championship (Tikinti Çempionatı) üçün rəsmi qeydiyyat mərhələsinə start verildi.
Tikinti sahəsində çalışan mühəndislər, memarlar, layihə menecerləri, ustalar, ağır texnika operatorları, tələbələr və digər peşəkarlar bu çempionatda iştirak edərək öz bilik və bacarıqlarını nümayiş etdirmək imkanı əldə edəcəklər.
Yarış iki mərhələdən ibarət olacaq:
Nəzəri mərhələ – iştirakçıların peşə bilikləri qiymətləndiriləcək;
Praktik mərhələ – finalçılar real tikinti şəraitində peşə bacarıqlarını nümayiş etdirərək çempionluq uğrunda mübarizə aparacaqlar.
Construction Championship yalnız yarış deyil, həm də tikinti sektorunda peşəkarlığın təşviqi, müasir standartların tətbiqi və ixtisaslı kadrların inkişafına xidmət edən mühüm platformadır.
İştirak etmək istəyən hər kəsi qeydiyyatdan keçməyə dəvət edirik.
Qeydiyyata buradan daxil ola bilərsiniz
Öz bilik və bacarıqlarınızı nümayiş etdirin, Azərbaycanın ilk Tikinti Çempionatının iştirakçısı olun!
